ՍՀՀԿ Արդեն երրորդ տարին է, որ ԱՄՆ-ի Գլենդել քաղաքի «Կայծակ պատանեկան» հայ երեխաների խմբակի և բարերար քույրեր Նարե և Անի Ղարիբյանների, սիրելի մայրիկ Էլիզի կողմից ուշադրության, բարի հոգածության կենտրոնում է Սյունիքի մարզի ամենաանտեսված գյուղերից մեկը՝ Խոնավարը:
Այս անգամվա բարությամբ գյուղի բոլոր երեխաները՝ մեկ տարեկանից մինչև 17 տարեկան, նվերներ ստացան: Դրանք ուղարկվել էին Ամանորի կապակցության և միայն նոր էին հասել տեղ: Երեխաների բերկրանքը այդ արևոտ օրը բազմապատկվել էր: Նվերների հետ «Կայծակ պատանեկան»-ի սաները իրենց ձեռքով բացիկներ էին պատրաստել և մաղթանքներ հղել:
Խոզնավարի դպրոցականներն էլ փոքրիկ միջոցառում էին կամակերպել՝ նվիրված բարության և երախտիքի /ղեկավար Ն. Դոլունց/: Նրանք շնորհակալություն հայտներից իրենց ձեռք մեկնող բոլոր մարդկանց:
«Սիրելի՛ հայ ընկերներ, դուք մեր հարստությունն եք, դուք մեր իսկական եղբայրներն եք, և քանի կա հոգատարությունն ու բարությունը ձեր մեջ, մեր ամուր ենք կանգնելու այս հողում ու մեր հաղթանակներով հպարտություն ենք նվիրաբերելու ձեզ»,- ասում է խոզնավարցի 4-րդ դասարանցին:
Այդ հրաշալի գյուղը այսօր դատարկվում է, դպրոցում 40-ից քիչ երեխաներ են սովորում:
[images_grid auto_slide=”no” auto_duration=”1″ cols=”three” lightbox=”yes” source=”media: 7249,7250,7251,7252,7254,7255,7256,7257,7258″][/images_grid]
[images_grid auto_slide=”no” auto_duration=”1″ cols=”three” lightbox=”yes” source=”media: 7259,7260,7261,7262,7263,7264″][/images_grid]
